गृहमन्त्री गुरुङले आफै शव बोकेर स्वर्गीय प्रहरी अबय लामाको गरे अन्तिम बिदाईमा

काठमाडौं – काठमाडौंको तार्केश्वर नगरपालिकामा भएको सवारी दुर्घटनामा ज्यान गुमाएका प्रहरी निरीक्षक अभय लामाको दाहसंस्कार गरिएको छ ।

स्वयम्भूमा आयोजित दाहसंस्कार कार्यक्रममा गृहमन्त्री सुधन गुरुङ सहभागी भएका थिए । कार्यक्रममा पुगेर उनले लामाको शवसमेत बोकेका थिए ।

गृहमन्त्री गुरुङले शोकाकुल परिवार र सहकर्मीबीच इन्स्पेक्टर लामाप्रति सम्मान प्रकट गरेको देखिन्छ। कर्तव्य निर्वाहका क्रममा ज्यान गुमाएका सुरक्षाकर्मीप्रति राज्यको तर्फबाट गरिएको यस्तो सम्मानलाई धेरैले उच्च मूल्याङ्कन गरेका छन्।

इन्स्पेक्टर लामाको मृत्यु सडक दुर्घटनामा भएको बताइएको छ। उनको असामयिक निधनप्रति सामाजिक सञ्जालमा व्यापक समवेदना व्यक्त भइरहेको छ भने प्रयोगकर्ताहरूले श्रद्धाञ्जली सन्देशमार्फत परिवारजनप्रति सहानुभूति प्रकट गरिरहेका छन्।

गृहमन्त्री गुरुङको यस कदमलाई सुरक्षाकर्मीहरूको मनोबल बढाउने उदाहरणीय कार्यका रूपमा हेरिएको छ।