काठमाडौं –एन आई सी एशिया बैंकले आफ्नो संस्थागत सामाजिक उत्तरदायित्व अन्तर्गत नवदुर्गा गाउँपालिका–१, असुर्पा, डडेल्धुरास्थित भुवनेश्वरी माध्यमिक विद्यालय, मुसिकोट नगरपालिका–५ सेरीगाउँ, रुकुम पश्चिमस्थित यमुनानन्द नमुना माध्यमिक विद्यालय, मंगलसेन नगरपालिका वडा नम्बर ९, ओलीगाउँ, अछामस्थित मंगला नेपाल राष्ट्रिय माध्यमिक विद्यालय र मंगलसेन नगरपालिका, वडा नम्बर १४, कालागाउँ, अछामस्थित अन्नपूर्ण माध्यमिक विद्यालयलाई ल्यापटप, डेस्कटप कम्प्युटर, प्रिन्टर र प्रोजेक्टर सहयोग उपलब्ध गराएको छ ।
ADVERTISEMENT
बैंकले भुवनेश्वरी माध्यमिक विद्यालयमा अध्ययन गरिरहेका १५३ भन्दा धेरै विद्यार्थीहरुलाई गुणस्तरीय शिक्षामा सहयोग होस् भन्ने हेतुले २ वटा प्रोजेक्टर प्रदान गरेको छ । मिति २०८३ आषाढ १७ गते एक कार्यक्रमका बीच यस बैंकका डडेल्धुरा शाखा प्रमुख पदम राज भट्टले उक्त विद्यालयका प्रधानाध्यापक दीपक प्रसाद भट्टलाई उक्त प्रोजेक्टरहरु प्रदान गरेका हुन् । त्यसैगरी, १०८७ भन्दा धेरै विद्यार्थीहरु अध्ययनरत यमुनानन्द नमुना माध्यमिक विद्यालयलाई बैंकले प्रिन्टर उपलब्ध गराएको छ ।
ADVERTISEMENT
यही आषाढ १८ गते एक कार्यक्रमका बीच यस बैंकका रुकुम पश्चिम शाखा प्रमुख ओमकार घर्ती मगरले उक्त विद्यालयका प्रधानाध्यापक कम प्रसाद देवकोटालाई उक्त प्रिन्टर प्रदान गरेका थिए ।
त्यसैगरी, गुणस्तरीय शिक्षा र प्रविधि पहुँचमा सहयोग पु¥याउन भन्दै बैंकले मंगला नेपाल राष्ट्रिय माध्यमिक विद्यालयलाई २ थान ल्यापटप, ४ थान डेस्कटप कम्प्युटर र एक थान प्रिन्टर प्रदान गरेको छ । यही आषाढ १८ गते एक कार्यक्रमका बीच ४८३ भन्दा धेरै विद्यार्थीहरु अध्ययनरत उक्त विद्यालयका लागि यस बैंकका साँफेबगर शाखा प्रमुख श्री सुरेन्द्र बहादुर थापाले उक्त विद्यालयका विद्यालय व्यवस्थापन समितिका अध्यक्ष रमेश बहादुर रावल र सोही विद्यालयका प्रधानाध्यापक तेज बहादुर रावललाई उक्त ल्यापटप, डेस्कटप कम्प्युटर र प्रिन्टर प्रदान गरेका थियो ।
बैकका सहायक प्रमुख कार्यकारी अधिकृत (प्रमुख सूचना अधिकारी) जयन्द्र रावलका अनुसार सोही दिन एक कार्यक्रमका बीच बैंकले ४०५ भन्दा धेरै विद्यार्थीहरु अध्ययनरत रहेको मंगलसेन नगरपालिका, वडा नम्बर १४ कालागाउँ, अछामस्थित अन्नपूर्ण माध्यमिक विद्यालयलाई यस बैंकका साँफेबगर शाखा प्रमुख सुरेन्द्र बहादुर थापाले उक्त विद्यालयका प्रधानाध्यापक छत्र विक्रम रावललाई २ थान ल्यापटप, ४ थान डेस्कटप कम्प्युटर र एक थान प्रिन्टर हस्तान्तरण गरेको हो ।
बैंकले उक्त विद्यालयहरुलाई उपलब्ध गराएको सहयोगले विद्यार्थीहरुको पठनपाठनमा अझ धेरै सहजता हुनुको साथै विद्यालयमा गुणस्तरीय शिक्षासँगै प्रविधि पहुँच र प्रशासनिक काममा सहयोग पुग्ने बैंकले विश्वास लिएको छ ।
