काठमाडौ। वुधबार विहान सकिएको मत गणनामा कांग्रेस निटक गैरेले सत्तारुढ दल निकटटिमको गठबन्धनका उम्मेदवार सरोज पोखरेललाई ४७ मतले पराजित गर्दै २ वर्षे कार्यकालका लागि निर्वाचित भएका हुन्। १७ सदस्यीय कार्यसमितिका पदाधिकारी जम्मै पदमा कांग्रेस प्यानलका उम्मेदवार निर्वाचित भएका छन्।
ADVERTISEMENT
निर्वाचनमा गैरेले ३ सय ३० मत प्राप्त गर्दा उनका निकटम प्रतिद्वन्द्वी पोखरेलले २सय ८३ मत मात्रै प्राप्त गरे।
ADVERTISEMENT
निर्वाचनमा कुल ६१९ मत खसेको थियो। संघको पूर्व उपाध्यक्षसमेत रहेका गैरे नेपाली कांग्रेसको सुभेच्छुक संस्था नेपाल लोकतान्त्रिक वैदेशिक रोजगार व्यवसायी फोरमका पूर्वअध्यक्ष पनि हुन्।
प्रथम उपाध्यक्ष पदमा लोकतान्त्रिक समूहकै कमल तामाङले ३सय ८१ मत प्राप्त गर्दै विजयी भए। उनको प्रतिद्वन्द्वी हरिबहादुर पाण्डेले २ सय ३० मत ल्याएकाथिए।
द्वितीय उपाध्यक्षमा कमलदेव मल्ल विजयी भएका थिए। मल्लले ३सय २२ मत ल्याउँदा उनको निकटम प्रतिद्वन्द्वी मुक्तिनाथ अधिकारीले २ सय ८७ मत ल्याएका थिए।
यसैगरी तृतीय उपाध्यक्षमा किशोर कुमार केसी निर्वाचित भएका छन्। किशोरले ३ सय ६० मत प्राप्त गर्दा उनको निकटम प्रतिद्वन्द्वी अख्तर हुसेनले २ सय ४४ मत ल्याएका थिए। महासचिवमा पनि लोकतान्त्रिक प्यानलकै सुजितकुमार श्रेष्ठ निर्वाचित भए। उनले ३ सय ८८ मत ल्याउँदा नेकपा प्यानलका उम्मेदवार रामचन्द्र गिरिले २सय २३ मत प्राप्त गरे।
सचिवमा मेघनाथ भुर्तेल विजयी भएका छन्। भुर्तेलले ३ सय ३३ मत प्राप्त गर्दा उनका प्रतिद्वन्द्वी सन्जु गुरुङले २सय ७३ मत ल्याए। कोषाध्यक्षमा इन्दिरा गुरुङ विजयी भइन्। उनले ३ सय ६७ मत प्राप्त गर्दा उनकी प्रतिद्वन्द्वी तेजुमाया लिम्बूले २३८ मत प्राप्त गरिन्।
सदस्यहरु कर्णराज कटुवाल, दिनेश कुमार राय (राहुल), सुरेन्द्र अर्याल, हर्कबाहादुर लिम्बु, बिजय लामा, वावुलाल मगर नरेन्द्र, केशवराज न्यौपाने, छविलाल भटराई, जंगबाहादुर ईजम, लक्ष्मण पौडेल बिजयी भएका छन्।
