एजेन्सी ।
म्यानचेस्टर यूनाइटेड एफए कप फुटबलको पाँचौ चरणमा प्रवेश गरेको छ ।गएराती खेलमा लिग वान क्लब ट्रान्मेरे रोभर्सलाई ६- ० गोल अन्तरले पराजित गर्दै युनाइटेड पाँचौं चरणमा पुगेको हो ।उसलाई फराकिलो जित दिलाउन हृयारी मागुईर, डीगो डालोट, जेसे लेङगार्ड , फिल जोन्स, एन्थोनी मार्सिएल र सासुन ग्रीनउडले एक–एक गोल गरे ।
रोभर्सविरुद्ध युनाइटेडले पहिलो हाफमै पाँच गोल गरेको थियो । खेलको १० औं मिनेटमा मागुएरले गोल गर्दै युनाइटेडलाई अग्रता दिलाए । १३ औं मिनेटमा डालोटको गोल मद्दतमा २–० अग्रत बनाएको युनाइटेडले १६ औं मिनेटमा लिंगार्डको गोलबाट पुन: तेब्बर अग्रता हासिल गरेको थियो ।
खेलको ४१ औं मिनेटमा जोन्सले गोल गर्दै युनाइटेडलाई ४–० को अग्रता दिलाए । खेलको ४५ औं मिनेटमा मार्सियलले गोल गरेपछि युनाइटेड पहिलो हाफमा ५–० ले अघि रह्यो । खेलको ५६ औं मिनेटमा ग्रीनवुडले पेनाल्टीमा गोल गर्दै युनाइटेडलाई फराकिलो जित दिलाएका हुन् ।