टोकियो — जापानमा केही दिनदेखिको लगातार वर्षासँगैको बाढीका कारण ज्यान गुमाउनेहरुको संख्या ४४ पुगेको छ ।


ADVERTISEMENT


जापानको दक्षिण–पश्चिमी क्युसु क्षेत्र बाढीका कारण सबैभन्दा बढी प्रभावित भएको स्थानीय सञ्चारमाध्यमले जनाएका छन् । जापानको मौसमसम्बन्धी निकायका अनुसार अझै केही दिन वर्षा भइरहने जनाएको छ ।


ADVERTISEMENT

# # #


अधिकारीका अनुसार बाढीका कारण १ लाख १७ हजार घरपरिवारका २ लाख ५४ हजार जना प्रभावित भएका छन् । तीमध्ये कतिपयलाई अन्यत्र सारिएको जनाइएको छ ।

प्रभावितमध्ये १ हजार ५ सय जनालाई अस्थायी शरणार्थी शिविरमा राखिएको छ । उनीहरुका लागि ८६ शिविरहरु बनाइएको अधिकारीहरुले जनाएका छन् । बाढी र डुबानका कारण कम्तीमा १० जना हराइरहेका समाचार संस्था एएफपीले जनाएको छ ।