एजेन्सी – अष्ट्रेलियन पूर्वखेलाडी तथा चर्चित क्रिकेट कमेन्टेटर डिन जोन्सको निधन भएको छ । ५९ वर्षीय जोन्सको बिहीबार भारतको मुम्बईमा हृदयघातका कारण निधन भएको हो ।
उनी युएईमा जारी इण्डियन प्रिमियर लिग (आइपीएल)को ब्रोडकास्टर स्टारस्पोर्टस्को लागि कमेन्टेटरका रुपमा आवद्ध थिए । सोही क्रममा उनी मुम्बईमा रहेका थिए ।
सन् १९९४ मा अन्तर्राष्ट्रिय क्रिकेटबाट सन्यास लिनुअघि जोन्सले अष्ट्रेलियाका लागि ५२ टेस्टमा ११ शतक र १४ अर्धशतकसहित ३ हजार ६३१ रन बनाएका थिए । यस्तै उनले १६४ एकदिवसीय खेलमा ७ शतक र ४६ अर्धशतकको मदतमा ६ हजार ६८ रन बनाएका थिए । सन् १९८७ मा अष्ट्रेलियाले एकदिवसीय विश्वकप जित्दा उनी पनि टिमका सदस्य थिए ।
सन्यासपछि उनी अफगानिस्तानका लागि अन्तरिम मुख्य प्रशिक्षक तथा पाकिस्तान सुपरलिग जस्ता केही फ्रेन्चाइज्ड लिगहरुमा प्रशिक्षकका रुपमा काम गरेका थिए । तर, उनी क्रिकेट खेलाडीसँगै एक उत्कृष्ट कमेन्टेटरका रुपमा चिनिन्छन् । उनले क्रिकेट विश्वकप देखि आइपीएलसम्मका खेलहरुमा कमेन्ट्री गरिसकेका छन् ।
खासगरी युनिक स्वर र कमेन्ट्री गर्दा देखाउने उत्साहपनका कारण उनी विश्वभर लाखौँ क्रिकेट समर्थकका बीच निकै लोकप्रिय थिए । जोन्सको मृत्युपछि क्रिकेट खेलाडी तथा समर्थकले दुःख व्यक्त गरेका छन् ।
Absolutely heartbreaking news about Dean Jones passing away.
A wonderful soul taken away too soon. Had the opportunity to play against him during my first tour of Australia.
May his soul rest in peace and my condolences to his loved ones. 🙏🏼 pic.twitter.com/u6oEY1h7zz— Sachin Tendulkar (@sachin_rt) September 24, 2020
Still in shock hearing the news of Deanos passing. Thoughts are with Jane and the family at this incredibly tough time. A great man with an amazing passion for the game.
— Aaron Finch (@AaronFinch5) September 24, 2020