अमेरिकाको राष्ट्रपतिमा बाइडेन, उपराष्ट्रपतिमा कमला

एजेन्सी– संयुक्त राज्य अमेरिकाको राष्ट्रपतिमा डेमोक्य्राटिक पार्टीका जो बाइडेन निर्वाचित भएका छन्। ७७ वर्षीय बाइडन रिपल्बिक पार्टीका डोनाल्ड ट्रम्पलाई पराजित गर्दै अमेरिकाको ४६ औँ राष्ट्रपतिमा निर्वाचित भएका हुन् ।

बाइडन पूर्वराष्ट्रपति बाराक ओबामाको प्रशासनमा २००९ देखि २०१७ सम्म उपराष्ट्रपति थिए ।

सन् १९७२ मा डेलाबरबाट सिनेटमा निर्वाचित भएको ४८ वर्षपछि उनी ह्वाइटहाउस प्रवेश गरेका हुन्। ७७ वर्षीय बाइडेन यसअघि सन् १९८८ र २००८ गरी दुईपटक राष्ट्रपति निर्वाचनमा सहभागी भएका थिए। उनी पूर्वराष्ट्रपति बराक ओबामाको दुवै कार्यकालमा उपराष्ट्रपति रहेका थिए।

सिएनएनका अनुसार ५३८ इलेक्टोरल मतमध्ये बाइडेनले २७९ र उनका प्रतिद्वन्द्वी डोनाल्ड ट्रम्पले २१४ मत प्राप्त गरेका छन्।

बाइडेनले प्राप्त गरेको पपुलर भोट अमेरिकाको इतिहासमा पछिल्लो ३० वर्षकै उच्च हो ।
यस्तै, चुनावी परिणामसँगै भारतीय मूलकी कमला ह्यारिस पहिलो महिला उपराष्ट्रपति बनेकी छन् । उनी पहिलो अश्वेत तथा दक्षिण एसियाली मूलकी उपराष्ट्रपति पनि भएकी छन् ।

 

 

तस्बिर : कमला ह्यारिसको ट्विटरबाट