‘अलिअलि मान्छे जम्मा गरेछन्, वास्तविक प्रदर्शन २३ गते देखाउँछौँ’

काठमाडौँ – प्रचण्ड–माधव समूहको नेकपाले शुक्रवार गरेको विरोध प्रदर्शनमाथि टिप्पणी गर्दै प्रधानमन्त्री केपी शर्मा ओलीले त्यसलाई शक्ति प्रदर्शन नभई सामान्य भिडभाड भएको बताएका छन् ।

शुक्रवार साँझ बबरमहलस्थित कार्की ब्याङ्क्वेटमा आयोजित कार्यकर्ता भेलालाई सम्बोधन गर्दै उनले भने, ‘खुट्टी देखेरै पत्याइयो, वास्तविक जनप्रदर्शन कस्तो हुन्छ २३ गते गरेर देखाउँछौं ।’

ब्याङ्क्वेटमा जम्मा कार्यकर्तालाई देखाउँदै उनले भने, ‘देशैभरीबाट अलिअलि मान्छे जम्मा गरेछन्, हामी भन्दा अलिकति बढी मान्छे रहेछन्।’