सांसद श्रेष्ठद्वारा विद्यापीठको प्रयोगविहीन भवनमा आइसोलेसन निर्माण

काठमाडौँ – संघीय प्रतिनिधिसभाका सांसद जीवनराम श्रेष्ठले स्थानीय पूर्वाधार विकास साझेदारी कार्यक्रमको बजेटले काठमाडौं क्षेत्र नं. ८ मा आइसोलेसनको निर्माण गरेका छन् ।

काठमाडौंको स्वयम्भूस्थित आनन्दकुटी विद्यापीठको प्रयोगविहीन अवस्थामा रहेको भवनमा आइसोलेशन स्थापना गरिएको हो । नेपाल लगायत विश्वभर कोभिड–१९ महामारीको दोश्रो लहर चलिरहेको सन्दर्भमा कोरोना संक्रमितको सहज उपचारका लागि आइशोलेशन निर्माण गरिएको सांसद श्रेष्ठले बताए ।

उनले आइशोलेशन केन्द्रमा आवश्यक सवै पूर्वाधारका साथै मेडिकल सर्पोटको पनि व्यवस्था हुने बताए ।