काठमाडौँ – भारतसँगको मैत्रीपूर्ण फुटबल नेपालले एक बराबरी र एक हारसहित टुग्याएको छ । घरेलू मैदान दशरथ रंगशालामा नेपालले पहिलो खेलमा भारतसँग १–१ गोलको बराबरी खेलेको थियो ।
तर, आज (सोमबार) भएको दोस्रो मैत्रीपूर्ण खेलमा भने २–१ गोलको हार व्यहोरेको हो । भारतका लागि फरुख चौधरीले ६२ औँ मिनेटमा गोल गर्दै अग्रता दिलाए । त्यसपछि कप्तान सुनिल क्षेत्रीले ८० मिनेटमा गोल गर्दै दोस्रो सफलता दिलाए ।
नेपालका लागि तेज तामाङले ८७ औँ मिनेटमा गोल गरे ।
सबै : तस्बिर रासस