डडेलधुरा – डडेलधुरामा पुनः अधिवेशन गर्नुपर्ने माग राख्दै अनसनमा बसेका जिल्ला सभापति सहितका नेताहरुले अनसन तोडेका छन् ।
मंगलबार उपसभापति विमलेन्द्र निधिको उपस्थितिमा उनीहरुले अनसन तोडेका छन् । एकलौटी रुपमा अधिवेशन गरेको र पार्टीका विभिन्न निकायमा कुरा राख्दा पनि सुनुवाई नभएको भन्दै उनीहरु अनसन बस्दै आएका थिए ।
उनीहरुको मागमा ऐक्यवद्धता जनाउँदै उपसभापति निधिले पार्टीको विधान कार्यान्वयनमा उदासीनता देखिनु गलत रहेको रहेको भएपनि पार्टीको महाधिवेशन नजिकिँदै गरेकाले अनसन रोक्न आग्रह गरेका थिए ।
उनले महाधिवेशनको प्रक्रियामा भएका त्रुटीलाई संशोधनका लागि पहल गर्ने आश्वास पनि दिए ।