काठमाडौं – नेकपा माओवादी केन्द्रको राष्ट्रिय सम्मेलनलाई महाधिवेशन भन्ने कि राष्ट्रिय सम्मेलन भन्ने पत्रकारहरुलाई द्विविधा उत्पन्न भएको छ ।
ADVERTISEMENT
यसअघि माओवादी केन्द्रले राष्ट्रिय सम्मेलन गर्दै आएकोमा महाधिवेशन शब्दले सम्बोधन गर्ने कि राष्ट्रिय सम्मेलन नै भनिदिने भन्ने कुरामा पत्रकारहरुलाई द्विविधा उत्पन्न भएको हो ।
ADVERTISEMENT
माओवादीले एक आधिकारिक धारणा सार्वजनिक गर्दै राष्ट्रिय सम्मेलनलाई महाधिवेशनमा परिणत गर्ने भनेर निर्णय गरे पनि माओवादीको सम्मेलन असलमा महाधिवेशन भने होइन । माओवादी केन्द्रले आफ्नो राष्ट्रिय सम्मेलनलाई महाधिवेशन महाधिवेशनमा परिणत गर्ने भनेर निर्णय पनि गरिसकेको छ । तर पनि नेपाली कांग्रेसले भर्खरै सम्पन्न गरेको महाधिवेशन जस्तो यो पक्कै होइन । माओवादीले चुनावी मैदानमा उत्रिएर आफ्नो नेता छान्ने छैन ।
यता माओवादीले भने पुस ११ गतेदेखि १३ गतेसम्म हुने राष्ट्रिय सम्मेलनलाई महाधिवेशन नै भएको र यो महाधिवेशनमा परिणत हुने दाबी गरिरहेको छ । शनिबार साँझ बसेको माओवादी केन्द्रको स्थायी कमिटी बैठकले राष्ट्रिय सम्मेलन हुनु एक दिनअघि महाधिवेशनमा परिणत गर्ने निर्णय गरेको हो । यसो हुँदाहुँदै पनि पत्रकारहरुलाई भने राष्ट्रिय सम्मेलन लेख्नेकि महाधिवेशन लेख्ने भन्ने कुरामा द्विविधा उत्पन्न भइरहेको छ ।
राष्ट्रिय सम्मेलनप्रति आकर्षण बढेकाले त्यसलाई महाधिवेशनमा परिणत गर्न लागिएको माओवादी केन्द्रका प्रवक्ता कृष्णबहादुर महराले जानकारी दिएका छन् । यसअघि हिजो दिउँसो ललितपुरमा सम्पादकहरूसँग भएको अन्तरक्रिया कार्यक्रममा माओवादी केन्द्रका अध्यक्ष पुष्पकमल दाहाल प्रचण्डले पनि राष्ट्रिय सम्मेलनलाई महाधिवेशनमा परिणत गर्ने सोच बनाएको बताएका थिए ।
देशभरि नेतृत्व चयनको प्रक्रिया उत्साहजनक रुपमा सम्पन्न भएको आधारमा यसलाई महाधिवेशन भने पनि हुने निष्कर्षमा आफू पुगेको बताएका थिए ।
