भरतपुर महानगरमा रेनु दाहाल ८ हजार बढीको मतान्तरले अगाडि

काठमाडौँ – भरतपुर महानगरपालिकाको मेयरमा पाँच दलीय सत्ता गठबन्धनका तर्फबाट माओवादी केन्द्रकी उम्मेदवार रेनु दाहालले आग्रता कायमै राखेकी छन् ।

ताजा मत परिणाम अनुसार रेनुले आफ्ना निकटतम प्रतिद्वन्द्वी नेकपा एमालेका विजय सुवेदीलाई ८ हजार ५९ मतले पछि पारेकी छन् । जस अनुसार रेनुले ३७ हजार २७ मत पाएकी छन् ।

उनका निकटतम प्रतिद्वन्द्वी एमालेका सुवेदीले २८ हजार ९६८ मत ल्याएका छन् । भरतपुरमा गठबन्धनको विरोध गर्दै नेपाली काँग्रेसबाट बागी उम्मेदवारी दिएका स्वतन्त्र उम्मेदवार जगन्नाथ पौडेलले १२ हजार २३३ मत प्राप्त गरेका छन् ।

यस्तै उपप्रमुख तर्फ नेपाली काँग्रेसका चित्रसेन अधिकारीले सुरुवाती अग्रता कायमै राखेका छन् । उनले ताजा अवस्थामा ३९ हजार १२९ मत प्राप्त गरेका छन् । उनका निकटतम प्रतिद्वन्द्वी राष्ट्रिय प्रजातन्त्र पार्टीकी हिमला गुरुङले २२ हजार ९११ मच ल्याएकी छन् ।