कांग्रेसको नवनिर्वाचित केन्द्रीय कार्यसमितिको शपथ ग्रहण कार्तिक १२ गते

काठमाडौं – नेपाली कांग्रेसको १५औँ महाधिवेशनबाट निर्वाचित केन्द्रीय पदाधिकारी तथा सदस्यहरूको शपथ ग्रहण समारोह कार्तिक १२ गते हुने भएको छ।

पार्टीले सार्वजनिक गरेको सूचनाअनुसार शपथ ग्रहण समारोह कार्तिक १२ गते दिउँसो २ बजे ललितपुरस्थित नेपाली कांग्रेसको केन्द्रीय कार्यालय, बीपी स्मृति भवन, बीपी नगरमा आयोजना हुनेछ।

नवनिर्वाचित केन्द्रीय कार्यसमितिका पदाधिकारी तथा सदस्यहरूलाई समारोहमा उपस्थित हुन पार्टीले सूचना जारी गर्दै सादर निमन्त्रणा गरेको छ। पार्टीका सदस्य सचिव राजु कटुवालले शपथ ग्रहण कार्यक्रमबारे जानकारी दिएका हुन्।