‘झण्डा हल्लाऊ भनेर मन्त्री बनाएको कि किसानलाई मल देऊ भनेर ?’

काठमाडौं – नेकपा एमालेका अध्यक्ष केपी शर्मा ओलीले कृषि तथा पशुपंक्षी विकासमन्त्री महिन्द्रराय यादवको राजीनामा मागेका छन्।

शनिबार ललितपुरको च्यासलस्थित पार्टी कार्यालयमा आयोजित कार्यक्रममा किसानलाई मल दिन नसकेको भन्दै राजीनामा मागेका हुन्।

‘ मल पाउँदैन, तपाईंहरू चुप लागेर कानमा तेल हालेर बस्नु हुन्छ। मल ल्याउन बाध्य पार्नु पर्दैन सरकारलाई ? दुनियाँमा त मल दिएन भने त कृषिमन्त्रीले त तत्काल राजीनामा दिनुपर्छ, के हेरेर बस्ने ? मन्त्रीले के हेरेर बस्यो ? सरकारले के हेरेर बस्यो ?,’ उनले भने, ‘अनि मुख्य काम कृषि क्षेत्रलाई हेर्नुपर्ने, मन्त्री भएर भत्ता खाऊ, झण्डा हल्लाऊ भनेर मन्त्री बनाएको कि किसानलाई मल देऊ भनेर ? ’