एकैदिन थपिए ५ सय ६४ जना कोरोना संक्रमित

काठमाडौँ – नेपालमा थप ५ सय ६४ जनामा कोरोना संक्रमण पुष्टि भएको छ ।

देशभर गरिएको २ हजार ७ सय ७८ पीसीआर परीक्षणका क्रममा ४ सय १८ जना र १ हजार ६ सय ७६ एन्टीजेन परीक्षणका क्रममा १ सय ४६ जनामा कोरोना संक्रमण पुष्टि भएको हो । त्यस्तै कोरोनाका कारण थप १ जनाको मृत्यु भएको छ भने थप २ सय २ संक्रमित निको भएका छन् ।

हाल नेपालमा ३ हजार ९ सय २९ सक्रिय संक्रमित आइशोलेशनमा रहेको मन्त्रालयले जनाएको छ ।