भाङयुक्त बिस्कुट खाएका दुई बालक अस्पताल भर्ना

एजेन्सी– तेलअविवमा भुलवश भाङयुक्त बिस्कुट खाएका दुई जना बालक अस्पताल भर्ना भएका छन् । छ र दुई वर्षका दाजुभाइले झुक्किएर भाङ मिसाएर बनाएका बिस्कुट खाएका थिए ।

अञ्जानमा बच्चाहरूले भान्सामा राखेको बिस्कुट खाएका र उनीहरू रिँगटा लागेर ढलेका बिरामी बालकका आमाले भनेकी छन् । जेठा छोराले एउटा कुकिज् र कान्छाले आधामात्र खाएका थिए ।

चिकित्सकहरूका अनुसार छ वर्षे बालकको स्वास्थ्य अवस्था सामान्य भए पनि उसको दुई वर्षीय भाइको स्थिति गम्भीर छ । औषधिका साथै भाङ मिसाएका खाद्यपदार्थ बालबालिकाको पहुँचभन्दा पर राख्नुपर्नेमा उनीहरूले जोड दिएका छन् ।