आजकाे माैसम : बाहिर निस्किदै हुनुहुन्छ, छाता बाेक्नुस है !

काठमाडौं— देशभरको मौसम अझै तीन दिन बदली रहने भएको छ । जल तथा मौमम विज्ञान विभाग, मौसम पूर्वानुमान महाशाखाका अनुसार पश्चिमी वायु, स्थानीय वायु र जलवाष्पयुक्त वायुका कारण आगामी तीन दिनसम्म मौसममा बदली रहने सम्भावना छ ।

हाल कोशी प्रदेशमा आंशिकदेखि सामान्य बदली रही बाँकी मौसम सामान्यतया सफा रहेको छ ।

काठ‍माडौं उपत्यकामा विहानैदेखि हल्का वर्षा भएको छ । दिउँसो  पहाडी भू–भागमा आंशिकदेखि सामान्य बदली रही बाँकी भू–भाग भागमा  आंशिक  बदलीदेखि  मौसम  सामान्यतया  सफा रहनेछ ।

कोशी प्रदेश, बाग्मती प्रदेश, गण्डकी प्रदेशका केही स्थानहरूमा तथा बाँकी प्रदेशका पहाडी भू–भागका  थोरै  स्थानहरूमा  मेघगर्जन,चट्याङसहित क्षणिक वा हल्का वर्षाको सम्भावना रहेको छ ।