प्रथम सिएचआइटीएफ तेक्वान्दो प्रतियोगिता जेठ ११ गतेदेखि हुने

काठमाडौँ – प्रथम सिएचआइटीएफ एसिया आमन्त्रित तेक्वान्दो प्रतियोगिता जेठ ११ गतेदेखि ललितपुरमा आयोजना हुने भएको छ ।

आयोजक नेपाल चाङ हुन् अन्तर्राष्ट्रिय तेक्वान्दो महासंघले बिहीबार काठमाडौंमा पत्रकार सम्मेलन गर्दै प्रतियोगिता आगामी जेठ ११ देखि १३ गतेसम्म ललितपुर सातदोवाटोस्थित कराँते महासंघको एकेडेमि हलमा आयोजना हुने जानकारी गराएको हो ।

प्रतियोगितामा नेपाल मलेशिया, बंगलादेश, भारत, चीन पाकिस्तान लगायत देशका २ हजा ५ सय खेलाडीहरुको सहभागिता हुने आयोजकले जनाएको छ । त्यस्तै प्रतियोगितामा ८५ स्वर्ण पदक, ८५ रजत पदक र ११६ कास्य पदकका लागि प्रतिष्पर्धा हुने महासंघका अध्यक्ष कुलबहादुर बुढा मगरले जानकारी दिए ।

शीर्ष तीनमा रहनेले ट्रफी प्राप्त गर्ने आयोजकले जनाएको छ ।