मेक्सिकोमा फेरी शक्तिशाली भूकम्प, क्षतिको विवरण आउन बाँकी

काठमाडौं-दक्षिणी मेक्सिकोको वहाका राज्यमा शक्तिशाली भूकम्प गएको छ ।

७.२ म्याग्निच्युडको भूकम्पले त्यहाँदेखि ३ सय किलोमिटर टाढा मेक्सिको सिटीमा रहेका भवनहरू समेत हल्लाएको थियो ।

हालसम्म हताहती तथा क्षतिको विवरण प्राप्त भएको छैन । विद्यालयहरूमा उद्धारका कामहरू अघि बढाइएको बताइएको छ ।

मानिसहरू घरबाट खुला सडकतर्फ निस्किएका छन् । भूकम्पको धक्का महसुस भएपछि मेक्सिको सिटीमा अत्तलिएका हजारौं मानिसहरू सडकमा निस्किएका थिए ।

उनीहरू एक अर्कालाई अंकमाल गर्दै रोएको र अंगालो हालेर बसेको अनि कतिपय अन्योलग्रस्त अवस्थामा रहेको बीबीसीले जनाएको छ ।

मेक्सीकोमा गत सेप्टेम्बरमा गएको विनाशकारी भूकम्पमा झण्डै चार सय जनाको मृत्यु भएको थियो ।