एजेन्सी – अमेरिकाका नवनिर्वाचित राष्ट्रपति डोनाल्ड ट्रम्पले आफ्नो सरकारको महत्वपूर्ण पदमा नियुक्ति सुरु गरेका छन् ।

ADVERTISEMENT

ट्रम्पले टेस्ला र स्पेसएक्सका मालिक एलोन मस्कसँगै विवेक रामास्वामीलाई डिपार्टमेन्ट अफ गभर्मेन्ट इफिसियन्सी ‘सरकारी दक्षता विभाग’ (डीओजीई) को प्रमुखको रूपमा नियुक्त गरेका छन्।

ADVERTISEMENT

# # #

यो घोषणा गर्दै ट्रम्पले एलोन मस्कलाई ‘ग्रेट एलोन मस्क’ भनेका छन् भने विवेक रामास्वामीलाई ‘देशभक्त अमेरिकी’ भनेका छन्।

इलोन मस्कसँगै विवेक रामास्वामीले संघीय निकायको पुनर्संरचनाको साथै सरकारी कर्मचारीतन्त्र, अतिरिक्त नियम र नियम र ‘अनावश्यक खर्च’ रोक्ने काम गर्नेछन्। ट्रम्पले यसलाई ‘सेभ अमेरिका’ अभियानका लागि आवश्यक भएको बताएका छन् ।

ट्रम्पलाई राष्ट्रपतीय निर्वाचनमा महत्वपूर्ण सहयोग गरेको मस्कले त्यसको पुरस्कार स्वरुप यो जिम्मेवारी पाएको कतिपयले प्रतिक्रिया दिएका छन् ।

योसँगै ट्रम्पले थप केही महत्वपूर्ण नियुक्तिको घोषणा गरेका छन् । फ्लोरिडाका सांसद माइकल वाल्ट्ज अमेरिकाको राष्ट्रिय सुरक्षा सल्लाहकार र सिनेटर मार्को रुबियोलाई विदेशमन्त्री बनाइने भएको छ ।

५० वर्षीय वाल्ट्ज पूर्व सैन्य अधिकारी हुन् र लामो समयदेखि ट्रम्पका समर्थक थिए।

उनी अमेरिकी कांग्रेसमा पुनः निर्वाचित भएका छन् । राष्ट्रिय सुरक्षा सल्लाहकार वाल्ट्जको नियुक्तिलाई सिनेटको अनुमोदन आवश्यक पर्दैन।