सरकारी कर्मचारीलाई विदेश भ्रमणमा रोक लगाइयो

काठमाडौं-प्रधानमन्त्री तथा मन्त्रिपरिषद्को कार्यालयले सरकारीको सम्पुर्ण विदेश भ्रमण स्थगित गर्न सरोकारवाला निकायलाई कडा निर्देशन दिएको छ ।

प्रधानमन्त्री कार्यालयले सबै मन्त्रालयका सचिव र अन्य सरकारी निकायका प्रमुखलाई उक्त निर्देशन विहीबार पठाएको हो ।

यो निर्देशनसँगै आगामी एक महिनाभित्र विदेश जाने तयारीमा रहेका करिव ३ सय ५० सरकारी कर्मचारीको विदेश भ्रमण स्थगित भएको छ ।

कर्मचारी विदेश भ्रमणमा नजाने भएपछि राज्य ढकुटीमा करिब २१ करोड रुपैयाँ जोगिएको छ ।,-आजको नागरिकबाट