प्रथम मेयरकप क्रिकेट सुरु

हाल सम्म कै सर्वा्धिक राशीको पुरस्कार

भुवन बहादुर सिंह, बझाङ– हाल सम्म कै सर्वा्धिक राशीको पुरस्कार सहित प्रथम मेयर कप टि–ट्वान्टी क्रिकेट प्रतियोगिता बझाङ सदरमुकाममा सुरु भएको छ । जयपृथ्वी नगरपालिकाको आर्थिक सहयोगमा जिल्ला क्रिकेट संघले उक्त प्रतियोगिताको आयोजना गरेको हो । फागुन ११ गतेबाट सुरु भएर १६ गते सम्म चल्ने प्रतियोगितामा जिल्ला भित्रका ६ टिमको सहभागिता रहेको छ । सुरुवाती खेल जालपा देवि युवा कल्व देवल र डाडांबाग युवाकल्ब पटुडी विच हुनेछ । त्यस्तै बझाङ क्रिकेट एकेडेमीसंग सुर्मा सरोवर युवा कल्ब सुर्माको पहिलो प्रतिश्पर्धा हुनेछ भने शोभान स्मृती दौला र फ्युचर स्टार कांटै विच पहिलो खेल हुने आयोजकले बताएका छन ।

प्रथम मेयरकप क्रिकेटको उद्घाटनमा व्याटिङ गर्दै

जयपृथ्वी नगरपालिका उपप्रमुख जुना जाग्रीले गरेको बलिङमा प्रमुख विरेन्द्र बहादुर खड्काले व्याटिङ गर्दै उदघाटन गरेको खेल लिग पद्धतीमा संचालन हुने छ । लिग चरणका शिर्ष दुइ टोली विच फाइनल खेलका लागी प्रतिश्पर्धा हुने छ । ’

प्रतियोगिताका विजेता टिमले नगद रु ५१ हजार पुरस्कार सहित ट्रफी प्राप्त गर्नेछ भने उपविजेता टिमले नगद २६ हजार सहित ट्रफी पाउने छ ।
प्रतियोगितामा उत्कृष्ट खेलाडी, बलर, व्याटस्म्यान, उदियमान खेलाडी र अनुशाशित टिमलाईपनि विभिन्न पुरस्कारको व्यवस्था गरिएको जिल्ला क्रिकेट संघका अध्यक्ष प्रविन्द धामीले बताएका छन । यो जिल्लाको हाल सम्म कै सर्वाधिक राशीको प्रतियोगिता हो । यस प्रतियोगिताबाटै क्षेत्रिय तथा राष्ट्रिय प्रतियोगितामा खेल्नका लागि खेलाडी छनौट पनि उनले बताए ।

खेल मैदान र खेल सामाग्रीको अभाव भए पनि बझाङ जिल्लाले क्षमतावान खेलाडीहरु उत्पादन गरिहेको धामीले बताए । उनले भने ‘सर्वाधिक
पुरस्कार राशीको प्रतियोगिताले खेलाडीहरुमा थप उत्साह जगाएको छ । बझाङमा थुप्रै क्रिकेट प्रतिभाहरु जन्माउन सक्ने सम्भावना रहेकोले अरु
स्थानिय तहले पनि यस क्षेत्रमा लगानी बढाउन आवश्यक छ ।’

जयपृथ्वी नगरपालिकाका प्रमुख विरेन्द्र बहादुर खड्का र प्रतियोगितामा प्रतिश्पर्धा गर्दै खेलाडीहरु । तस्विरः भुवन बहादुर सिंह 

हाल धनगढीमा संचालन भैरहेको प्रधानमन्त्री कप राष्ट्रिय क्रिकेट प्रतियोगितामा पनि बझाङकी सम्झना खड्काको सहभागिता रहेको छ । यस अघी क्षेत्र नं ६ बैतडीको टिममा रहेर बझाङका प्रविन्द धामीले सिनियर टि ट्वान्टी राष्ट्रिय प्रतियोगिता सहभागी भैसकेका छन । यस्तै विनोद धामी र सुन्दर विस्ट १६ वर्षमुनिको राष्ट्रिय प्रतियोगिताको विजेता टिम क्षेत्र नं ६ बैतडीबाट राष्ट्रिय स्तरको खेल खेलिसकेका छन भने सुरेस जप्रेल र नरेस थापा, सम्झना खड्का, कमला धामी, मिना धामी, पविना खड्काले पनि पटक–पटक क्षेत्रिय तथा राष्ट्रिय खेलमा सहभागीता जनाई सकेका छन ।