करणी अभियोगमा काठमाडौंबाट एकजना पक्राउ

भक्तपुर(रासस)–गत वैशाख ३१ गते एक युवतीलाई करणी गरेको अभियोगमा प्रहरीले शुक्रबार काठमाडौँ, शंखरापुर–५ बस्ने ३० वर्षीय सन्तोष दंगाललाई पक्राउ गरी सार्वजनिक गरेको छ ।

महानगरीय प्रहरी परिसर भक्तपुरको टोलीले पक्राउ गरी अनुसन्धान शुरु गरेको परिसरका प्रहरी निरीक्षक सुशीलकुमार पाण्डेले जानकारी दिएका छन् । युवतीलाई भेट्नु छ भनेर बोलाई खाजा खाने बहानामा होटलमा पुर्याई करणी गरेको उजुरी परेपछि प्रहरीले दंगाललाई पक्राउ गरेको उनले बताएका छन् ।