काठमाडौं- नेपाली कम्युनिस्ट पार्टी(नेकपा)ले कम्युनिस्ट घटकहरुसँग पार्टी एकताको पहल गर्न वार्ता समिति गठन गरेको छ ।
ADVERTISEMENT
पार्टी कार्यालय पेरिसडाडामा बसेको केन्द्रीय कार्यसंयोजन समितिको बैठकले तीन सदस्यीय वार्ता समिति गठन गरेको नेकपा प्रवक्ता प्रकाश ज्वालाले जानकारी दिएका छन् । समितिमा समितिमा प्रकाश ज्वाला, देव गुरुङ र गंगानारायण श्रेष्ठ रहेका छन् ।
ADVERTISEMENT
वार्ता समितिले बुधबारबाट नै काम सुरु गर्ने प्रवक्ता ज्वालाले बताएका छ्न्। उनले विप्लव समूहबाट विभाजित नेपाल कम्युनिस्ट पार्टी, एमाले लगायतका सम्पूर्ण वामपन्थी दलहरूसँग संवाद र वार्ता अगाडि बढाउने जानकारी दिएका छन्।
त्यस्तै बैठकले आगामी असोज १५ देखि मंसिर १५ गतेसम्म देशव्यापी दुई महिने राष्ट्रिय जनअभियान सञ्चालन गर्ने निर्णय गरेको छ । केन्द्रदेखि वडा, टोल र जनताको घरदैलोसम्मपुग्ने गरी अभियान चलाइने र यसको विस्तृत कार्यविधि दसैँअगाडि बस्ने सचिवालय बैठकले पारित गर्ने उहाले जानकारी दिए ।
साथै बैठकले बाढी पीडितको उद्धार, राहत, पुनस्र्थापना र पुनर्निर्माणमा पार्टीका तर्फबाट सहयोग गर्न पहिले नै गठित समन्वय समितिलाई जिम्मेवारी दिइएको उनले बताएका छन् । प्रवक्ता ज्वालाले दुई महिने अभियानपछि आवश्यकता अनुसार संसद् र सडक दुवै मोर्चाबाट जनजीविका र राष्ट्रिय स्वाधीनताका मुद्दामा आन्दोलनका कार्यक्रम अघि बढाइने उल्लेख गरेका छन्।
उनले बाढीपहिरोले कार्यतालिकामा केही असर पारे पनि पार्टीभित्र नेतृत्व हस्तान्तरणको कुनै किचलो नरहेको र महाधिवेशनले नै नीति, विधि र नेतृत्वको अन्तिम टुंगो लगाउने स्पष्ट पारेका छन् ।
बैठकमा पार्टी संयोजक पुष्पकमल दाहाल ‘प्रचण्ड’ र सहसंयोजक माधवकुमार नेपालले वर्तमान राष्ट्रिय राजनीति, राष्ट्रिय स्वाधीनता, संविधान र लोकतान्त्रिक गणतन्त्रमाथि देखिएका चुनौतीबारे बैठकमा ब्रिफिङ गरेको ज्वालाले बताएका छन् ।
