काठमाडौं । गएको सिजनको फाइनलिस्ट लिभरपुलले च्याम्पियन्स लिग फुटबलको अन्तिम १६ मा स्थान पक्का गरेको छ ।
ADVERTISEMENT
च्याम्पियन्स लिग फुटबलको समूह चरण अन्तर्गतको आफ्नो अन्तिम खेलमा मंगलबार राति इटालियन क्लब नापोलीमाथि संघर्षपूर्ण जित निकाल्दै इंग्लिस क्लब लिभरपुलले नकआउट चरणमा स्थान पक्का गरेको हो ।
ADVERTISEMENT
घरेलु मैदानमा भएको खेलमा लिभरपुलले नापोलीलाई १–० ले हराएको हो । लिभरपुलको जितमा मोहम्मद सालहले गरेको गोल नै निर्णायक बन्यो । सालहले ३४ औँ मिनेटमा गोल गर्दै टिमलाई जिताएका हुन् ।
यो जितपछि लिभरपुल समूह सी को उप विजेताको रुपमा अन्तिम १६ मा पुग्न सफल भयो । समान नौ अंक नै भए पनि नापोली भने समूह चरणबाटै बाहिरियो ।
यो समूहबाट समूह विजेताको रुपमा फ्रान्सेली क्लब पेरिस सेन्ट–जर्मेन (पिएसजी) ले अन्तिम १६ मा स्थान पक्का गरेको छ । मंगलबार राति नै भएको खेलमा पिएसजीले रेड स्टारलाई ४–१ ले हरायो ।
पिएसजीको जितमा एडिन्सन काभानी, नेइमार, माक्र्वीन्होस र केलियन एमबाप्पेले गोल गरे । रेड स्टारका लागि गोबिल्जिकले एक गोल फर्काए ।
