काठमाडौं – प्रदेश २ मा लगातार एसईई परीक्षाको प्रश्नपत्र बाहिरिएपछि देशभरको प्रश्नपत्र ४ घन्टाभित्र रुजु गर्न निर्देशन निर्देशन दिइएको छ ।
शुक्रबार हिक्षामन्त्री गिरिराज मणि पोखरेलको नेतृत्वमा बसेको एसईई परीक्षा सुरक्षा समितिको बैठकले ७७ जिल्लाकै परीक्षा केन्द्रको अनुगमन गरेर प्रश्नपत्रको अवस्थाबारे चार घण्टामा रिपोर्ट पठाउन निर्देशनसमेत दिएको हो।
प्रश्नपत्रको अनुगमनका लागि प्रमुख जिल्ला अधिकारी र जिल्लाका प्रहरीलाई अनिवार्य उपस्थित हुन निर्देशन दिइएको छ। देशभरबाट रिर्पोट आएपछि सुरक्षा समितिको बैठक पुनः बस्नेछ । त्यसपछि थप प्रक्रिया अगाडि बढाइने परीक्षा नियन्त्रण्क विष्णु अधिकारीले बताए ।
प्रदेश २ मा बिहीबार विज्ञान र शुक्रबार सामाजिक विषयको प्रश्नपत्र परीक्षा सुरु हुनुअघि नै सामाजिक सञ्जालमार्फत बाहिरिएको थियो । प्रश्नपत्र बाहिरिएपछि प्रदेश २ का विद्यार्थी सडकमा उत्रिएका छन् ।