मेलम्ची खानेपानीको पाइप फुट्दा बाढी, बबरमहल जलमग्न (तस्बिर)

काठमाडौँ – काठमाडौंको बबरमहलमा मेलम्ची खानेपानीको मुख्य पाइप फुट्टा सो क्षेत्र जलमग्न भएको छ ।

बुधबार दिउसो एक्कासी मेलम्ची खानेपानीको मुख्य पाइप फुटेको हो । मुख्य पाइप फुटेपछि बिजुलीबजारबाट माइतिघर जाने बबरमहलको सडकमा समेत क्षति भएको छ भने वरपरका सरकारी कार्यालय डुबान भएको छ ।

मुख्य पाइप फुटेपछि आवातजावतमा समेत समस्या भएको प्रहरीले जनाएको छ । मेलम्ची खानेपानी परियोजनाले सो क्षेत्रमा पानी आपूर्ति बन्द गरेको छ । नेपाल विद्युत् प्राधिकरणले भूमिगत तार बिछ्याउने क्रममा मेलम्ची खानेपानीको मुख्य पाइप फुटेको सडक विभागले जनाएको छ ।