काठमाडौँ – टाटा मोटर्सको अन्तर्राष्ट्रिय व्यवसाय नेटवर्कलाई जोड्ने ‘टाटा मोटर्स वन वर्ल्ड २०२४’ कार्यक्रममा सिप्रदी ट्रेडिङ्ग प्रा.लि.ले ७ उत्कृष्ट अवार्ड जित्दै नेपाललाई अन्तर्राष्ट्रिय मञ्चमा गौरवान्वित बनाएको छ।
ADVERTISEMENT
साथै कम्पनीले ‘पायोनियरिङ ईभी एक्स्पान्सन’ का लागि विशेष कदर पत्र प्राप्त गर्दै, नेपालले शून्य–उत्सर्जन सवारीसाधनको विस्तारमा अघि बढ्ने प्रतिबद्धता पुनः स्थापित गरेको छ।
ADVERTISEMENT
सिप्रदी ट्रेडिङ्ग प्रा.लि.ले नेपाललाई सबै प्रमुख सेग्मेन्टहरूमा सबैभन्दा उच्च बजार हिस्सा दिलाउँदै, निरन्तर उत्कृष्ट प्रदर्शन गरिरहेको छ। यसले नेपाललाई कमर्सियल सवारीसाधन क्षेत्रमा अग्रणी स्थानमा स्थापित गर्न महत्त्वपूर्ण भूमिका खेलेको छ।
यो उपलब्धि ग्राहकहरूको विश्वास, टीमको निरन्तर मेहनत, र टाटा मोटर्सका विश्वसनीय उत्पादनहरू को प्रतिफल रहेको कम्पनीले जनाएको छ । सबै प्रमुख सेग्मेन्टमा उत्कृष्ट प्रदर्शन गर्दै सिप्रदी ट्रेडिङ्गले बजारमा आफ्नो बलियो उपस्थिति कायम राख्दै आएको छ ।
पुरस्कार जितेपछि सिप्रदी ट्रेडिङ्ग प्रा.लि. का प्रमुख कार्यकारी अधिकृत राजन बाबु श्रेष्ठ टिमको मेहनतलाई सम्मान मिल्नुका साथै ग्राहकलाई अझ उत्कृष्ट सेवा प्रदान गर्ने प्रेरणा मिलेको बताए । हामी हाम्रा ग्राहकहरूलाई उच्च गुणस्तरीय सेवा र सुलभ सवारीसाधन प्रदान गर्न सधैं प्रतिबद्ध छौं।’ उनले भने, ‘यी पुरस्कारहरूले हाम्रो टीमको मेहनतलाई सम्मान गर्दै, ग्राहकहरूलाई अझ उत्कृष्ट अनुभव प्रदान गर्ने प्रेरणा दिएको छ।’
सिप्रदीले पाएका सफलता ग्राहकप्रति समर्पित गर्दै उनले थपे, ‘ग्राहकहरुले टाटा गाडीलाई पहिलो रोजाइ बनाउनुभयो। नेपालले हरेक वर्ष आफ्नो स्थान बलियो बनाउँदै गएको छ, र यो सफलता हाम्रो प्रतिबद्धताको प्रमाण हो।’
