सशस्त्रका सई सिंहमाथि बालिका बलात्कारको आरोप, स्थानीय आन्दोलित

जनकपुरधाम – सशस्त्र प्रहरी नायब निरीक्षक (सई) धर्मेन्द्र सिंहमाथि १० वर्षीया बालिकामाथि जबरजस्ती करणीको आरोप लागेको छ ।

महोत्तरीको लोहारपट्टी नगरपालिका–४ स्थित पिपराढी स्थित रेल्वेट्र्याक पोस्टमा कार्यरत सई सिंहले १० वर्षीया बालिकालाई जबरजस्ती करणी गरेको भन्दै स्थानीयहरू आन्दोलित भएका छन् ।

उनीहरुले पोस्ट घेराउ गरेपछि आरोपी सई सिंहलाई सशस्त्र प्रहरीको टोलीले नै नियन्त्रणमा लिएको छ ।

तोडफोडको प्रयास गरेपछि त्यहाँ स्थानीय र प्रहरीबीच तनाव पनि देखिएको छ । जिल्ला प्रहरी कार्यालय महोत्तरीले बालिकामाथि दुव्र्यवहार भएको बताएको छ ।