डिआईजी उमा चतुर्बेदीको प्रमुख आतिथ्यमा मधेश प्रदेश प्रहरी तालिम केन्द्रको सातौँ वार्षिकोत्सव कार्यक्रम सम्पन्न

काठमाडौं– मधेश प्रदेश प्रहरी प्रमुख डिआईजी उमा प्रसाद चतुर्बेदीको प्रमुख आतिथ्यमा मधेश प्रदेश प्रहरी तालिम केन्द्र जनकपुर सम्पर्क कार्यालयः राजविराजको सातौँ वार्षिकोत्सव विविध साँस्कृतिक कार्यक्रमहरु आयोजना गरी सपन्न भएको छ ।

उक्त कार्यक्रम प्रमुख अतिथिले पानसमा दिप प्रज्वलन गरी विधिवत् रुपमा उद्‍घाटन गरि वार्षिकोत्सवको अवसरमा आयोजना भएको “समादेशक कप २०८२” अन्तर्गतका विविध खेलकुदहरुमा प्रथम, द्वितिय र तृतिय स्थान हासिल गर्ने खेलाडीहरुलाई प्रमाणपत्र, मेडल, ट्रफि र यस केन्द्रका उत्कृष्ट कार्य गर्ने प्रहरी कर्मचारीहरुलाई पुरस्कृत समेत गरे ।

कार्यक्रमको अन्तिम चरणमा प्रमुख अतिथिले तालिम केन्द्रमा कार्यरत सम्पूर्ण प्रहरी कर्मचारीहरु, प्रशिक्षक र प्रशिक्षार्थीहरुलाई आवश्यक निर्देशन सम्बोधन समेत गरे ।

निर्देशनको क्रममा नयाँ–नयाँ चुनौतीसँग सामना गर्न सक्षम र व्यवसायिक एवं कर्तव्यनिष्ठ प्रहरी जनशक्तिको उत्पादनमा तालिम केन्द्र निरन्तर अगाडी बढ्नुपर्ने बताए ।