नवनियुक्त मन्त्रीहरूले लिए शपथ ग्रहण

काठमाडौं – नवनियुक्त मन्त्रीहरूले शपथ ग्रहण लिएका छन् ।

राष्ट्रपति कार्यालय, शीतलनिवासमा आयोजित शपथ ग्रहण समारोहमा राष्ट्रपति रामचन्द्र पौडेलले नवनियुक्त मन्त्रीहरूलाई शपथ गराएका हुन् ।

आजै प्रधानमन्त्री बालेन्द्र शाह (बालेन) ले पनि शपथ लिएका थिए । शपथ ग्रहण कार्यक्रमका लागि बटुकले स्वस्तिवाचन र लामाले मंगलवाचन समेत गरेका थिए ।

महिला मन्त्रीहरूको सूचीमा स्वास्थ्य तथा जनसंख्या र खानेपानी मन्त्रालयको जिम्मेवारी निशा मेहताले पाएकी छन्। त्यसैगरी, भूमि व्यवस्था, सहकारी तथा गरिबी निवारण र संघीय मामिला तथा सामान्य प्रशासन मन्त्रीको रूपमा प्रतिभा रावल चयन भएकी छन्।

कानुन, न्याय तथा संसदीय मामिला मन्त्रालयको जिम्मेवारी सोविता गौतमलाई दिइएको छ भने कृषि तथा पशुपक्षी विकास र वन तथा वातावरण मन्त्रीमा गीता चौधरी नियुक्त भएकी छन्। यसका साथै महिला, बालबालिका तथा ज्येष्ठ नागरिक मन्त्रालयको जिम्मेवारी सीता वादीले सम्हाल्लेकी छन्।

सबै मन्त्रीले पद तथा गोपनीयताको शपथ लिएका छन् ।