रसुवा बाढी : शव भेटिने क्रम जारी, ९७२ को जाँच मुचुल्का बाँकी

काठमाडौं – रसुवामा आएको विनाशकारी बाढीका कारण भएको मानवीय क्षतिको विवरण थप भयावह बन्दै गएको छ । मंगलबार दिउँसोसम्म बाढी प्रभावित विभिन्न क्षेत्रबाट १ हजार ५८ शव फेला परेको जनाइएको छ ।

फेला परेका शवमध्ये ९ सय ७२ शवको लास जाँच मुचुल्का गर्न अझै बाँकी रहेको छ । ठूलो संख्यामा शव फेला परेपछि पहिचान, जाँच मुचुल्का तथा परिवारलाई बुझाउने प्रक्रिया चुनौतीपूर्ण बनेको छ ।

बाढी प्रभावित क्षेत्रमा सुरक्षाकर्मी तथा उद्धार टोलीले खोजी कार्यलाई निरन्तरता दिइरहेका छन् । जोखिमपूर्ण स्थानमा समेत बेपत्ता व्यक्तिको खोजी भइरहेको जनाइएको छ ।

यसैबीच फेला परेका शवको पहिचानका लागि आवश्यक प्रक्रिया अघि बढाइएको छ । पहिचान खुलेका शव परिवारलाई बुझाउने तथा पहिचान हुन नसकेका शवको आवश्यक व्यवस्थापन गर्ने कामसमेत भइरहेको छ ।

बाढीबाट प्रभावित क्षेत्रमा अझै ठूलो संख्यामा मानिस सम्पर्कविहीन रहेको आशंका रहेकाले खोजी तथा उद्धार कार्यलाई तीव्रता दिइएको छ । सम्बन्धित निकायले उपलब्ध स्रोतसाधन परिचालन गर्दै खोजी, उद्धार, शव व्यवस्थापन तथा राहत वितरणको कामलाई निरन्तरता दिएका छन् ।