प्रदेश प्रमुख कायस्थले दिए विजया दशमीको शुभकामना

जनकपुरधाम– विजया दशमीको अवसरमा प्रदेश नं. २ का प्रमुख रत्नेश्वरलाल कायस्थले सबैमा शुभकामना व्यक्त गरेका छन् ।

विजया दशमीको अवसरमा भएको शुभकामना आदान प्रदान तथा चियापान कार्यक्रममा प्रदेश प्रमुख कायस्थले विजया दशमी, दिपावली तथा छठ पर्व २०७५ को अवसरमा प्रदेश नं. २ का साथै स्वदेश तथा विदेशमा रहेका समस्त नेपाली दाजुभाई तथा दिदीबहिनीहरुमा शुख शान्ति, समृद्धि, सदभाव तथा आपसी भाईचारा कायम रहोस भनी शुभकामना व्यक्त गरेका हुन् ।

प्रदेश प्रमुखको कार्यालयद्धारा आयोजित उक्त कार्यक्रममा प्रदेश २ का मन्त्रीहरु, साँसदहरु, बिभिन्न सुरक्षा निकायका उच्च पदस्थ कर्मचारीहरु, नागरिक समाज , समाजसेवी, राजनितीकर्मी तथा बुद्धिजिवीहरुको सहभागिता रहेको थियो ।