Author: Himalaya Post

काठमाडौं- पूर्वप्रधानमन्त्री तथा नेकपा एमालेका अध्यक्ष केपी शर्मा ओलीले राष्ट्रिय मानवअधिकार आयोगले गत भदौ २३ र २४ गते भएका घटनासम्बन्धी तयार पारेको भनिएको छानबिन तथा अनुसन्धान प्रतिवेदन, निर्णय र त्यससँग सम्बन्धित सम्पूर्ण कागजात उपलब्ध गराउन औपचारिक रूपमा निवेदन दर्ता गराएका छन्। ओलीले सामाजिक सञ्जालमार्फत जानकारी दिँदै शुक्रबार ललितपुरको पुल्चोकस्थित राष्ट्रिय मानवअधिकार आयोगका सचिव मुरारी खरेललाई भेटेर आयोगमा निवेदन दर्ता गराएको बताएका हुन्। निवेदनमा भदौ २३ गते संसद भवन क्षेत्रमा भएको झडप तथा भदौ २४ गते देशका विभिन्न स्थानमा भएका आगजनी, तोडफोड र लुटपाटका घटनाबारे आयोगले गरेको भनिएको अनुसन्धानको प्रतिवेदन सार्वजनिक भएको उल्लेख गर्दै त्यसको आधिकारिक कागजात उपलब्ध गराउन माग...

काठमाडौं- राजेन्द्र लिङ्देनले देशी तथा विदेशी शक्तिहरूबाट विभिन्न किसिमको घेराबन्दी भइरहे पनि आफू मैदान नछाड्ने बताएका छन्। उनले कठिन परिस्थितिमा पनि पार्टीलाई थप सुदृढ बनाउँदै अघि बढ्ने प्रतिबद्धता व्यक्त गरेका छन्। शनिबार काठमाडौंमा आयोजित राष्ट्रिय प्रजातन्त्र पार्टी (राप्रपा) को कार्यकर्ता भेलालाई सम्बोधन गर्दै अध्यक्ष लिङ्देनले विगतदेखि नै पार्टीमाथि देशी–विदेशी शक्तिहरूको दबाब र घेराबन्दी रहँदै आएको दाबी गरे। यस्ता चुनौतीका बीच पार्टी छाडेर जानेहरूप्रति आफूले कुनै टिप्पणी नगर्ने तर राप्रपाको यात्रा नरोकिने स्पष्ट पारेका छन्। उनले केही नेताले पार्टी परित्याग गरे पनि त्यसबाट राप्रपाको अभियान कमजोर नहुने बताए। बरु चुनौतीकै बीच पार्टीलाई थप मजबुत बनाउने अवसरका रूपमा आफूले लिएको उनको...

काठमाडौं- नाडा अटोमोबाइल्स एसोसिएसन अफ नेपाल नाडाको स्वर्ण महोत्सव उद्घाटन समारोह आज काठमाडौंमा भव्य रूपमा सम्पन्न भएको छ। नेपाल उद्योग वाणिज्य महासंघका अध्यक्ष अञ्जन श्रेष्ठको प्रमुख आतिथ्यमा सम्पन्न कार्यक्रममा नाडाका अध्यक्ष सुरेन्द्रकुमार उप्रेतीले सभापतित्व गरेका थिए। वि.सं.२०३२ सालमा स्वर्गीय तोलाराम डुगडद्वारा स्थापना गरिएको नाडाले आफ्नो ५० वर्षे यात्रा पूरा गरेको अवसरमा ऐतिहासिक स्वर्ण महोत्सव मनाइरहेको हो। महोत्सवको अवसरमा राजधानीका विभिन्न स्थानमा विशेष कार्यक्रम, र्‍याली तथा विभिन्न क्षेत्रका विशिष्ट व्यक्तित्व, पूर्वअध्यक्ष, सदस्य कम्पनी तथा सञ्चारकर्मीहरूको सहभागितामा कार्यक्रम आयोजना गरिएको थियो। महोत्सवका अवसरमा नाडाका पूर्वअध्यक्षहरूलाई विशेष सम्मानसमेत गरिएको छ। असार १३ गतेदेखि १९ गतेसम्म सप्ताहव्यापी रूपमा काठमाडौंसहित सातै प्रदेशमा विविध कार्यक्रम...

काठमाडौं – प्रधानन्यायाधीश डा. मनोजकुमार शर्माले अदालतका फैसला, आदेश, न्यायिक प्रक्रिया तथा कानुनी विषयवस्तुलाई यथार्थ, सन्तुलित र जिम्मेवार ढंगले प्रस्तुत गर्न सञ्चारमाध्यमलाई आग्रह गरेका छन्। शुक्रबार सर्वोच्च अदालतमा आयोजित अदालत र सञ्चारकर्मीबीचको अन्तरक्रिया कार्यक्रममा उनले नागरिकको सुसूचित हुने अधिकारको प्रभावकारी कार्यान्वयन स्वतन्त्र, निष्पक्ष र जिम्मेवार सञ्चारमाध्यमबाट मात्रै सम्भव हुने बताएका छन्। न्यायपालिकाका गतिविधि तथ्यपरक र सन्तुलित रूपमा सार्वजनिक गर्न सके न्यायपालिकाप्रतिको जनविश्वास अझ सुदृढ हुने उनको भनाई छ। प्रधानन्यायाधीश शर्माले न्यायिक विषयको समाचार सम्प्रेषण गर्दा तथ्यपरकता, सन्तुलन, शुद्धता र व्यावसायिक उत्तरदायित्वलाई विशेष महत्व दिनुपर्ने उल्लेख गरेका छन्। अदालत र सञ्चारमाध्यमको कार्यक्षेत्र फरक भए पनि कानुनको शासन, पारदर्शिता, जवाफदेहिता र...