नेकपा केन्द्रीय कमिटि बैठकमा अध्यक्षद्वयको प्रतिवेदनमाथि आजबाट समुहगत छलफल हुँदै

काठमाडौं । सत्तारुढ दल नेपाल कम्युनिष्ट पार्टी नेकपाको केन्द्रीय कमिटिको बैठकमा आजबाट समुहगत छलफल सुरु हुँदैछ ।

केन्द्रिय कमिटीका ४ सय ४१ जनालाई १५ समुहमा विभाजन गरिएको छ । यी समुहलाई छलफल गर्न राष्ट्रिय सभागृह, पार्टी मुख्यालय धुम्बाराही र पेरिस डाँडा तोकिएको छ ।

नेकपा केन्द्रीय कमिटी बैठकमा अध्यक्षद्वयले पेश गरेको राजनीतिक प्रतिवेदनमा आजबाट सदस्यहरुले आ–आफ्नो धारणा राख्दैछन् । हिजो पेश गरिएका प्रतिवेदनहरुमाथि समूहगत् छलफल गरी समूहको नेताले धारणा राख्ने गरी ज्ञ५ समूह बनाइएको छ ।

केन्दीय कमिटिको बैठक आगामी आइतवारसम्म चल्नेछ । तत्कालिन नेकपा एमाले र माओवादी केन्द्रबीच पार्टी एकिकरण भएपछि दोस्रो पटक केन्द्रीय कमिटीको पूर्ण बैठक बसेको हो ।