एजेन्सी- भारतीय प्रधानमन्त्री नरेन्द्र मोदीको बंगलादेश भ्रमण स्थगित भएको छ। बंगलादेशले कोरोना भाइरसको खतरालाई ध्यानमा राख्दै शेख मुजीबुर रहमानको जयन्ती मनाउने समारोह रद्द गरेपछि मोदीको भ्रमण पनि स्थगित भएको भारतीय सञ्चारमाध्यमहरुले जनाएका छन्।
आजतकका अनुसार प्रधानमन्त्री मोदी समारोहमा भाग लिन १७ मार्चमा ढाका जाने तयारीमा थिए। समारोहका अध्यक्ष कमल अब्दुल चौधरीले हसीना सरकारको निर्णय रद्द गर्ने घोषणा गरेका हुन्। तर, बंगलादेशका प्रधानमन्त्री शेख हसीनाले कुनै सार्वजनिक सभाबिना समारोहको उद्घाटन गर्ने बताइएको छ।