नेतृ भगवती चौधरीले गरेकी दुहवी नगरपालिका लाई खाधान्न सहयोग

सुनसरी । स्थानीय निकायले कोरोना भाइरसको महामारीमा स्थानीय जनतालाई प्रभावकारी रुपमा राहत प्रदान गर्न नसकिरहेको बेला पूर्व वन तथा भू–संरक्षण राज्यमन्त्री भगवती चौधरीले भने स्थानीय निकायलाई पनि सहयोग गरेकी छिन् ।

सुनसरी क्षेत्र नं। ३ की नेतृ चौधरीले कोरोना भाइरस रोकथाम र नियन्त्रणका लागि सरकारले मुलुकलाई लकडाउन गरेसँगै श्रमिक गरिब विपन्नलाई हातमुख जोर्न धौधौ परिरहेको बेला दुहवी नगरपालिकालाई राहत वितरण गर्न भनि १५०० केजी (७५ बोरा) चामल हस्तान्तरण गरेकी छिन् ।

आज नेतृ चौधरीको प्रतिनिधत्व गर्दै फरवार्ड माईक्रोफाईनान्स वित्तीय संस्थाका प्रमुख कार्यकारी अधिकृत आशनारायण चौधरी र फरवार्ड समूहले दुहवी नगरपालिकाका मेयर वेदनारायण गच्छदार तथा सुनिता दाहाललाई उक्त राहत हस्तान्तरण गरेका छन् ।

राहत लिएपछि दुहवी नगरपालिकाका मेयर गच्छदारले कमजोर आर्थिक अवस्था भएका दैनिक ज्यालादारीमा जिवनयापन गर्ने समुदायलाई उक्त राहत वितरण गर्ने भन्दै नेतृ चौधरी प्रति धन्यवाद दिए । उपमेयर सुनिता दाहालले पनि महिला अधिकारवादी नेतृ चौधरीले नगरपालिकालाई नेतृ चौधरीले प्रदान गरेको चामलले दर्जनौं कमजोर परीवारलाई सहयोग पुग्ने बताइन् ।