२०१९ मा पनि लुम्बिनी सर्वाधिक भम्रण गरिएको गन्तव्य

काठमाडौँ — आर्थिक सर्वेक्षणले नेपालमा सर्वाधिक भम्रण गरिने गन्तव्यमा यस वर्ष पनि लुम्बिनीलाई देखाएको छ ।

सन् २०१९ मा १७ लाख ७९ हजार ८६ पर्यटकले लुम्बिनी भम्रण गरेका थिए । त्यसअघि सन् २०१८ मा लुम्बिनीमा १५ लाख १७ हजार पर्यटक पुगेका थिए । लुम्बिनीमा सबैभन्दा धेरै भम्रण गर्नेमा नेपाली ७९ प्रतिशत र भारतीय ११ प्रतिशत छन् । अन्य मुलुकका नागरिक १० प्रतिशत छन् । गत वर्षको तुलनामा यस वर्ष लुम्बिनीमा भम्रण गर्ने पर्यटकको संख्या २.३ प्रतिशतले बढेको देखिन्छ ।

नेपालमा आउने पर्यटकमध्ये मनोरञ्जनका लागि आउनेहरु ६५ प्रतिशत छन् । त्यसैगरी पदयात्रा तथा हिमाल आरोहणका लागि आउनेहरु १४ प्रतिशत र अन्य उदेश्यका लागि आउनेमा ४ प्रतिशत छन् ।

सर्वेक्षणले पछिल्ला वर्ष पर्यटक आगमन वृद्धि भइरहेका बेला नेपालमा कोराना कारण सबैभन्दा असर यो क्षेत्रमा परेको आर्थिक सर्वेक्षणले देखाएको छ ।