काठमाडौं । सरकारले शिक्षा विज्ञान तथा प्रविधि मन्त्रालयअन्तर्गतको प्राविधिक शिक्षा तथा व्यावसायिक तालिम परिषद् (सीटीईभीटी)को उपाध्यक्ष पदमा झापा निवासी खगेन्द्रप्रसाद अधिकारीलाई नियुक्ति गर्ने निर्णय गरेको छ।
ADVERTISEMENT
२ असारमा बसेको मन्त्रिपरिषद्को बैठकले अधिकारीलाई नियुक्त गर्ने निर्णय गरेको अर्थ तथा सूचना तथा सञ्चार प्रविधिमन्त्री युवराज खतिवडाले आयोजित पत्रकार सम्मेलनमा जानकारी दिए ।
ADVERTISEMENT
यस्तै सरकारले संस्कृति पर्यटन तथा नागरिक उड्डयन मन्त्रालयको बौद्ध दर्शन प्रवर्द्धन र गुम्बा विकास समितिको अध्यक्ष पदमा ताप्लेजुङका फुपु छेम्वे शेर्पा र कार्यकारी निर्देशक पदमा नुवाकोटका होमबहादुर दोङलाई नियुक्त गर्ने निर्णय गरेको छ। सरकारले संघीय मामिला तथा सामान्य प्रशासन मन्त्रालयअन्तर्गतको नेपाल प्रशासनिक प्रशिक्षण प्रतिष्ठनको कार्यकारी निर्देशकमा डा।राजन खनाललाई नियुक्ति गर्ने निर्णयसमेत गरेको उनले जनाए।
यसैगरी सरकारले आर्थिक वर्ष २०७६र७७ मा सांसदहरुलाई दिएको पैसा खर्च नभएको भए कोरोना कोषमा जम्मा गर्नेगरी नियमावली संशोधन गरेको छ।
असार २ गते बसेको मन्त्रिपरिषद बैठकले सांसद विकास कोषबाट खर्च नभएको रकम सम्वन्धित स्थानीय तह (आयोजना सञ्चालन भएका स्थानीय तह) को कोरोना कोषमा असार १५ सम्म जम्मा गर्नेगरी नियमावली संशोधन गरिएको सरकारका प्रवक्ता डा। युवराज खतिवडाले जानकारी दिए।
