काठमाडौँ – चलचित्र ‘हिजो आजका कुरा’का निर्देशक साकार पन्त वैवाहिक जीवनमा बाँधिने भएका छन् । बिहीबार सामाजिक संजाल फेसबुकमा स्टाटस लेख्दै निर्देशक पन्तले आयुशी खनालसँग विवाह गर्न लागेको कुरा जानकारी गराएका हुन् ।
उनले भनेका छन्, ‘जीवनका विभिन्न महत्वपूर्ण पलमध्ये वैवाहिक जीवन शुरु गर्न र त्यसमा जीवन साथी भई एकअर्कालाई साथ दिने प्रण गर्दै म र आयुशी खनाल अब विवाह बन्धनमा बाँधिने भनि हिजो कुरा छिन्ने कार्य सम्पन्न गरियो ।’
चर्चित कलाकार सन्तोष पन्तका छोरासमेत रहेका साकार पन्तको डेब्यु निर्देशन रहेको चलचित्र ‘हिजो आजका कुरा’को निर्माण सम्पन्न भएको छ । कोरोनाका कारण चलचित्र सार्वजानिक प्रदर्शन हुन सकेको छैन ।
चलचित्रमा सन्तोष पन्त, रमा थपलिया, केकी अधिकारी, ऋचा शर्मा, रिमा विश्वकर्मा, जेविका कार्की, रमेश अधिकारी लगायतको अभिनय रहेको छ ।