काठमाडौँ – नेपाल कम्युनिष्ट पार्टी (नेकपा)का वरिष्ठ नेता झलनाथ खनाल निको भई आज घर फर्किएका छन् ।
उच्च रक्तचाप बढेपछि धुम्रबाहारीस्थित ह्याम्स अस्पतालमा उपचाररत रहेका पूर्व प्रधानमन्त्री खनाल आज घर फर्किएको उनका स्वकीय सचिव कृष्ण भट्टराईले जानकारी दिए ।
खनाललाई उच्च रक्तचापसँगै श्वासप्रश्वासमा समस्या देखिएपछि गत बिहीबार अस्पतालमा भर्ना गरिएको थियो ।
म रक्तचाप बढ्न गई ह्राम्स अस्पतालमा भर्ना भएको थिए। राम्रो उपचार पछि मेरो स्वास्थ्य सामान्य अबस्थामा रहेको र आज अस्पतालबाट डिस्चार्ज भएको छु । मेरो स्वास्थ्य उपचारमा खटिनु भएका स्वास्थ्यकर्मी टिम प्रति आभार ब्यक्त गर्दछु तथा सुबेच्छुकहरु सबै प्रति हार्दिक आभार ब्यक्त गर्दछु।
— Jhalanath Khanal (@khanal_jn) October 16, 2020