जापानी राजदूतद्वारा सभामुख सापकोटासँग बिदाई भेट

काठमाडौँ – नेपालका लागि जापानी राजदूत मसामिचि साइगोले सभामुख अग्निप्रसाद सापकोटासँग बिदाई भेट गरेका छन् । आफ्नो कार्यकाल सकेर स्वदेश फर्कन लागेका राजदूत साइगोले बुधबार सिंहदरबारस्थित कार्यकक्ष पुगेर सभामुखसँग भेटघाट गरेका हुन् ।

भेटमा सभामुख सापकोटाले नेपाल र जापानबीच ६५ वर्ष लामो मैत्रिपूर्ण सम्बन्ध सुमधुर रहेको चर्चा गरे । उनले कोभिड–१९ का कारण मानव जातिको सभ्यता र अस्तित्वमा सिर्जना भएको चुनौतीमाथि मानव जातिको जित सुरु भएको बताउँदै जापानमा आजै देखि कोभिड–१९ विरुद्ध खोप कार्यक्रम सुरु भएकोमा खुसी व्यक्त गरे ।

सभामुख सापकोटाले यसका लागि जापानी सरकार लगायत सबै जापानी जनतालाई बधाई ज्ञापन गरे ।

जापानले नेपालको शिक्षा, स्वास्थ्य, कृषि लगायतका क्षेत्रमा गरिरहेको सहयोगप्रति आभार व्यक्त गर्दै सभामुख सापकोटाले नेपाली कामदारका लागि उपलब्ध गराएको रोजगारीको अवसरका लागि धन्यवाद ज्ञापन गरेका छन् । सभामुख सापकोटाले समय प्रतिकुल भएपनि कार्यकाल सफलतापूर्वक सम्पन्न गरेकोमा राजदुत क्बष्नय लाई बधाई दिए ।

भेटका अवसरमा राजदुत साइगोले नेपाल बसाइका क्रममा भएको सहयोग्रति आभार प्रकट गर्दै यस पछि आउने राजदूतले पनि यस्तै सहयोग पाउने आशा व्यक्त गरे ।