तानसेन– कालीनदीमा मात्रै भेटिने शालिग्राम संरक्षणका लागि रामपुर नगरपालिका १ खटाङ टापुधामस्थित शालिग्राम सङ्ग्रहालय बनेको छ ।


ADVERTISEMENT


रामपुर नगरपालिकाको रु. आठ लाख तथा पर्यटन बोर्डको रु. पाँच लाख गरि कूल रु. १३ लाखको लागतमा सो सङ्ग्रहालय निर्माण गरिएको नगरपालिकाले जनाएको हो ।


ADVERTISEMENT

# # #


नगरपालिकाका प्रमुख रमणबहादुर थापाले विश्वमै दुर्लभ मानिएका शालिग्राम कालीगण्डकी नदीमा मात्र पाइने भएकाले यसको संरक्षण गरेमा पर्यटन प्रवद्र्धनमा सहयोग पुग्ने विश्वास व्यक्त गरेका छन् ।

सङ्ग्रहालयमा विभिन्न देवी देवताका प्रतिविम्बका रुपमा रहेका शालिग्राम हेर्न देश तथा विदेशबाट पर्यटक आउने उनको विश्वास छ । नगरप्रमुख थापाले रामपुरलाई धार्मिक तथा पर्यटकीय क्षेत्रको रुपमा विकास गर्नका लागि सङ्ग्रहालयले सहयोग पुग्ने बताए ।  सङ्ग्रहालयमा स्थानीयवासीले सङ्कलन गरिएका दुई हजार ६१६ शालिग्राम राखिएका छन् ।

विगत आठ/नौ वर्षदेखि शालिग्रामको धार्मिक महत्व, यसको खोजी र अध्ययनमा लाग्नुभएका डा. कुलराज चालिसेले नदीको डाइभर्सनले शालिग्रामको अस्तित्व खतरामा पर्ने चिन्ता लागे पनि सङ्ग्रहालय बनेपछि खुशी लागेको बताए ।

हिन्दू धर्मानुसार, भगवानको विभिन्न रुपसँग बयान गर्दै पूजाआरधना गर्ने शालिग्राम जन्माउने आमा कालीगण्डकी तथा उसकै सन्तान शालिग्राम रहेको नदी धार्मिक हिसाबले पनि महत्वपूर्ण रहेको चालिसेको भनाइ छ । मानव निर्मित मूर्ति जताततै भेटिए पनि स्वयं मूर्ति कालिनदीमा मात्रै भेटिने भएकाले नयाँ पुस्तामा समेत यसको पहिचान दिनका सङ्ग्रहालयले सहयोग गर्ने डा. चालिसे बताए ।

रङ, चक्र, आकारको आधारमा कुन मूर्ति कुन भगवान भनेर चिनिए पनि गोलो आकारको एक मुठिमा छोपिने शालिग्राम हुने भनाई छ । डा. चालिसेका अनुसार, कालीनदीको मुहान दामोदर कुण्ड मुक्तिनाथ क्षेत्रदेखि देवघाटसम्म यसको अनुसन्धान र खोजी गर्दा देवीदेवताका आकृति भेट्न सकिन्छ ।

कालीनदीमा बढी भएको पानीलाई डाइभर्सन गरेर तिनाउमा मिसाउने र कपिलवस्तु तथा रुपन्देहीका केही स्थानमा सिँचाइको प्रबन्ध मिलाउने सरकारको योजना छ । यसबाट शालिग्रामको अस्तित्व हराउने होकी भन्ने यस क्षेत्रका नागरिकले चिन्ता व्यक्त गरेका छन् । रासस