नवीन्द्रराज जोशीको निधनले पीडा सहन नसक्ने अवस्थामा छु : वरिष्ठ नेता पौडेल

काठमाडौँ – नेपाली कांग्रेसका वरिष्ठ नेता रामचन्द्र पौडेलले नेपाली कांग्रेसका नेता नवीन्द्रराज जोशीको निधनप्रति दुःख व्यक्त गरेका छन् ।

शुक्रबार सामाजिक सञ्जाल फेसबुकमार्फत वरिष्ठ नेता पौडेलले आम जनताका ढुकढुकी लोकप्रिय नेता जोशीको निधनको खबरले आफूलाई मर्माहत बनाएको बताएका हुन् ।

उनले आफू नेता जोशीलाई गुमाउँदाको पीडा सहन नसक्ने अवस्थामा रहेको बताएका छन् । उनले फेसबुकमा भनेका छन्, ‘नेपाली कांग्रेसका भरोसायोग्य नेता जोशी राजनीतिक मात्र नभएर उच्च सामाजिक भावना भएका नेता गुमाउदा म पीडा सहन नसक्ने अवस्थामा छु ।’

उनले नेता जोशीको निधनले शोकाकुल परिवारप्रति समवेदना समेत प्रकट गरेका छन् ।

मष्तिष्कघात भई काठमाडौँको थापाथलीस्थित नर्भिक अस्पतालमा उपचाररत ५७ वर्षीय नेता जोशीको शुक्रबार साँझ निधन भएको थियो ।