जोशीको निधनले काँग्रेसले एक इमान्दार र निष्ठावान नेता गुमायो : सभापति देउवा

काठमाडौँ – नेपाली कांग्रेसको सभापति तथा पूर्व प्रधानमन्त्री शेर बहादुर देउवाले पार्टीका नेता नवीन्द्र राज जोशीको निधनप्रति दुःख व्यक्त गरेका छन् ।

सामाजिक सञ्जाल फेसबुकमार्फत शुक्रबार सभापति देउवाले जोशीको निधनले आफू निकै मर्माहत भएको बताएका हुन् । उनले नेता जोशीको निधनले कांग्रेसले एउटा इमान्दार र निष्ठावान नेता गुमाएको बताएका छन् । उनले जोशीको निधनले शोकाकुल परिवारप्रति समवेदना समेत प्रकट गरेका छन् ।

नेता जोशी फागुन १४ गते मष्तिष्कघात भई नर्भिक इन्टरनेशनल हस्पिटलको आइसीयू, भेन्टिलेटरको सहायतामा उपचार गराइरहेका थिए । नेता जोशीको आज(शुक्रबार) साँझ ८ः२४ बजे ५७ वर्षको उमेरमा निधन भएको थियो ।

उनले फेसबुकमा भनेका छन, ‘नेपाली कांग्रेसका नेता, कुशल संगठक एवंम पूर्वमन्त्री नविन्द्रराज जोशीको असामायिक निधनको खबरले निकै मर्माहित भएको छु । जोशीजीको निधनले काँग्रेसले एक इमान्दार र निष्ठावान नेता गुमाएको छ । उहाँको आत्माको चीर शान्तिको कामना गर्दै यस दुःखद् घडीमा शोकाकुल परिवारजनमा हार्दिक समवेदना व्यक्त गर्दछु।’