काठमाडौँमा निषेधाज्ञा २९ गतेसम्म लम्ब्याउने निर्णय, थप कडाई गरिने

काठमाडौँ – काठमाडौा उपत्यकामा लगाइएको निषेधाज्ञा वैशाख २९ गतेसम्म जारी रहने भएको छ । काठमाडौँ, भक्तपुर र ललितपुरका प्रमुख जिल्ला अधिकारी (सीडीओ)को बैठकले उपत्यकामा बढ्दो कोरोना संक्रमणलाई हरेर थप एक साता निषेधाज्ञा लगाउने निर्णय गरेको हो ।

बैठकमा निषेधाज्ञालाई कडाइ र कोरोना महामारी नियन्त्रण गर्न मोडालिटी परिर्वन गर्दै निषेधाज्ञा थप गर्ने निर्णय भएको काठमाडौँका सीडीओ कालीप्रसाद पराजुलीले जानकारी दिए । उनका अनुसार अब खाद्यान्ह पसलहरु बिहान ९ बजेसम्म मात्रै खोल्न पाइनेछ । यसअघि बिहान १० बजेसम्म र बेलुका ५ देखि ७ बजेसम्म खोल्न पाइन्थ्यो ।

यसअघि वैशाख १६ गतेदेखि बिहानदेखि लगाइएको निषेधाज्ञा (भोलि) मध्येराति सकिँदैछ । मन्त्रिपरिषद्ले यसअघि नै कम्तीमा दुई साता निषेधाज्ञा लगाउन सुझाव दिएको थियो ।