काठमाडौँ – प्रधानमन्त्री एवं नेकपा एमालेका अध्यक्ष केपी शर्मा ओलीले पार्टीभित्रैबाट विरोधीसंगको साठगाँठबाट सरकारलाई बदनाम गर्ने खेल भएको बताएका छन् ।


ADVERTISEMENT


प्रधानमन्त्री निबास बालुवाटारमा बुधबार बसेको आयोजक कमिटीको अन्तिम बैठकलाई सम्बोधन गर्दै ओलीले पार्टीलाई गलत ढंगले कव्जा गर्ने र विरोधीसंगको साठगाँठबाट सरकारलाई बदनाम गर्ने खेल भएको बताएका हुन् । उनले विकासको काममा जुटेको प्रधानमन्त्रीको राजीनामा माग गरेपछि मुलुक अस्थीरतातर्फ जाने अवस्था पैदा भएको जिकिर गरे ।


ADVERTISEMENT

# # #


‘खासगरी सञ्चार माध्यममा पार्टीका नीतिको धज्जी उडाउने, पार्टी नेतृत्वको धज्जी उडाउने, गाली बेइज्जती र अपमान गर्ने र सरकारले गरेका राम्रा काम र उपलब्धीहरुको चर्चै नगर्ने थुप्रै प्रयास भए ।’ उनले भने, ‘यसले जनतामा वितृष्णा, नैराश्यता उत्पन्न भयो । विरोधीहरुसँगको साँठगाँठमा त्यो गरियो ।’

ओलीले पार्टीभित्रको एकतालाई जोगाउन अधिकतम लचकता अपनाएपनि अर्को पक्षले त्यसलाई आफु अनुकुल प्रयोग मात्र गरेको तर्क गरे । एमाले राष्ट्र हाक्ने जिम्मेवारी बोकेको पार्टी भएकाले पार्टी भित्रको समस्यालाई राष्ट्रिय समस्याका रुपमा लिएको उनले बताए । प्रधानमन्त्री ओलीले एमाले नेतृत्वको सरकारले अभूतपूर्व ढंगले बिकास निर्माणका साथै शान्ति सुरक्षा तथा जनताका लागि काम गरेको तर गलत प्रचार हुँदा जनतामा निराशा छाउनु स्वभाविक भएको धारणा राखे। उनले मुलुकमा भ्रष्टचार नियन्त्रण गरेर देखाएको र अन्य मुलुकसंगको सम्बन्ध सुमधुर बनाएको दाबी गरे । ।

त्यस्तै प्रधानमन्त्री ओलीले प्रतिनिधिसभाले देश हाक्न सक्ने अवस्था नदेखिइएपछि विघटन गर्न बाध्य भएको उल्लेख गरे ।