काठमाडौैँ – नेपाली काँग्रेस बागमती प्रदेशका संसदीय दलका नेता एवं मकवानपुर सभापति ईन्द्रबहादुर बानियाँले काँग्रेसका बेरोजगार युवालाई रोजगारीका लागि ऋण दिने बताएका छन् ।
ललितपुरको कुपण्डोलमा दृष्टिकोण एवम् दिगो परियोजना केन्द्रित विशेष समितिको आयोजनामा ‘गरिखाने कांग्रेस’ बन्ने बनाउने अभियानको बृहत कार्यक्रमलाई सम्बोधन गर्दै नेता बानियाँले पार्टीको पहलमा युवालाई ऋण दिएर व्यवसायी बनाउने उनले बताए ।
उनले गाउँका युवालाई व्यवसायमा लाग्न प्रेरित गर्दै व्यवसाय सञ्चालनका लागि पार्टीले सहजीकरण गर्ने बताए ।
बैंकहरुसँग सम्झौता गरेर युवाहरुको क्षमता र योग्यताअनुसार ऋण दिई उनीहरुलाई विभिन्न पेशा व्यवसायमा लगाउनुपर्ने उनले बताए । उनले भने, ‘क्षमता र योग्यताअनुसारको ऋण दिन लगाएर आर्थिक रुपले समक्ष बनाउनुपर्छ ।’
सबै जिल्लामा कार्यालय स्थापना गरी सहुलियत दरमा ऋण उपलब्ध गराइने उनले बताए । ऋण लिएर व्यापार व्यवसाय गर्नेको काँग्रेसले अनुगमन पनि गर्ने उनको भनाइ थियो ।
कार्यक्रममा स्वास्थ्य राज्यमन्त्री उमेश श्रेष्ठ, ‘गरिखाने अभियान’का संयोजक विनोद चौधरी, सह–संयोजक बानियाँ, दीपक खड्का सहित ३० जिल्लाका सभापतिको पनि उपस्थिति रहेको थियो ।