अन्तिम चरणको तयारीमा वाईवाई मिसेज नेपाल वल्र्ड, को बन्ला त विजेता?

काठमाडौँ– विवाहित महिलाको बौद्विक क्षमता एवम् कला अभिवृद्धि गर्ने ध्येयले आयोजना गरिदैँ आएको वाई वाई मिसेस नेपाल वल्र्डको फिनाले आगामा पौष १७ मा हुने भएको छ ।

विवाहित महिलालो मात्रै भाग लिन पाउने यस सौन्दर्य प्रतियोगिताको अन्तिम प्रतिस्पर्धा आमागी पौष १७ गते राजधानीको कमलादीस्थित नेपाल एकेडेमीमा हुने भएको हो । त्यससंगै नेपालले अर्काे वाई वाई मिसेस नेपाल वल्र्डको प्राप्त गर्नेछ ।

यसअघि मिसेस नेपाल वल्र्डका रुपमा हुदैँ आएको प्रतियोगिता रिबन इंटरटेनमेन्टले मिसेस नेपाल वल्र्डको आधिकारिक फ्रेन्चाईजी प्राप्त गरेसँगै अबबाट वाई वाई मिसेस नेपाल वल्र्डका नाममा हुन लागेको हो ।

सबैभन्दा ठुलो र सफल प्रतियोगिता मिसेस नेपाल वल्र्डको अन्तिम प्रतिस्पर्धाका लागि २४ महिलाबीच भिडन्तबाट प्राप्त हुने नव मिसेस नेपाल को बन्लान् त? भन्ने सबैमा कोतुहलता देखिएको छ । प्रतियोगितामा सहभागि सबै प्रतिस्पर्धी एक सय एक रहेकाले यसबारे अहिले नै अनुमान गर्न नसकिने आयोजक संस्थाका अध्यक्ष निशु कान्त झाको भनाई छ । तसर्थ यसका लागि अब पौष १७ नै कुर्नुबाहेक अन्य विकल्प नरहेको उनले जनाइन् ।

झण्डै एक महिना प्रशिक्षणको अवधिपश्चात्, सो टोली अन्तिम चरणको तयारी थालेको उक्त कार्यक्रम नेपाल टेलिभिजनबाट प्रत्यक्ष प्रशारण गरिनेछ । अन्तिम चरणको प्रतियोगितामा रेइबी बज्राचार्य , सुमित्रा पौडेल उप्रेती, लक्ष्मी जोशी, मनिता प्याकुरेल, सुजाता अर्याल, सुष्मिता खड्का, माधुरी कर्ण, पवित्रा बाँनिया, जयन्ती राई, बिनिता कूइँकेल, सुमिता लामा , राजश्री थापा, मनिका न्यौपाने, सृष्टिका दोङ्ग तामाङ्ग, सोनु मगर ढुंगेल, उर्मिला उप्रेती सिलवाल, संगीना अर्याल, दिक्षा केसी, पार्वती गिरी, सृजना सुबेदी, निरन्जना भेटवाल, समिक्षा कार्की र माला सुनारका साथमा नायिका उषा रजक पनि सहभागी रहेका छन् ।

अध्यक्ष झाका अनुसार मिसेस नेपाल वल्र्डसँगै सोहि स्टेजमा मिसेस नेपाल इंटरनेसनल र एमएस इंटरनेसनल उपाधि विजेता पनि चयन गरिनेछ। विभिन्न वर्ग र उमेरका प्रतिभाशाली व्यक्तिहरुको व्यत्तित्व र क्षमता बृद्धीका लागि विभिन्न प्रतिभामुलक स्पर्धा तथा सौन्दर्य प्रतियोगिता गर्दै आएको रिबन इन्टरटेनमेन्टले मिसेस नेपाल वल्र्डको विजेतालाई आगामी २०२२ को जनवरीमा अमेरिकाको लस भेगासमा आयोजना हुने अन्तराष्ट्रिय सौन्दर्य प्रतियोगिता मिसेस वल्र्डमा नेपालको तर्फबाट प्रतिनिधित्व गर्ने अवसर मिलाएको छ। यता मिसेस नेपाल इन्टरनेसनलको पाँचौ संस्करण सन् २०१९ मा सम्पन्न भए पनि कोभिड १९ का कारण २०२० मा स्थगीत हुन पुगेको थियो भने यस वर्षदेखि परिमार्जित रुपमा यसलाई अगाडि बढाइनेछ।

यो वर्ष मिसेस वल्र्डमा नेपालको पहिलो सहभागिता हुनेछ भने मिसेस इन्टरनेसनल नेपाल र एमएस नेपाल इन्टरनेसनलका विजेताले नेपालको प्रतिनिधित्व गरी सन् २०२२ मा सिङ्गापुरमा हुने मिसेस इन्टरनेसनल तथा एमएस इन्टरनेसनलमा सहभागिता जनाउने छन्। प्रतियोगितामा अस्विनी झाको कोरियोग्राफी रहनेछ। रिबन इन्टरटेनमेन्टको आयोजनामा सम्पन्न हुने यस कार्यक्रमको मार्केटिंग की एडभरटाइजिङ्गले गरेको छ ।